رویداد خبري آژانس په افغانستان کې لومړنۍ دیجټلي خبري آژانس
د ناروې د کډوالو شورا عمومي منشي یان ایګلنډ، له اروپايي، شمالي امریکايي او نورو هېوادونو څخه غوښتي چې په افغانستان کې خپل سفارتونه بېرته پرانیزي او د ا.ا له چارواکو سره دې تعامل وکړي.
ایګلنډ له فرانس پرېس خبري اژانس سره په خبرو کې ټینګار کړی چې د سفارتونو بېرته پرانیستل او له ا.ا سره تعامل د هغه د رسمیت پېژندلو په معنا نه ده، او په خبره يې کابل او کندهار کې د ډیپلوماتانو حضور اړین دی.
هغه زیاته کړې چې نړیواله ټولنه باید د ښځو او نجونو د حقونو د تأمین تر غوښتنې ترڅنګ، له هغوی سره مرسته هم وکړي. نوموړي ویلي چې په افغانستان کې بشري مرستندویه ادارې احساس کوي چې په دې برخه کې یوازې پرېښودل شوې دي.
