رویداد خبري آژانس په افغانستان کې لومړنۍ دیجټلي خبري آژانس
په کاناډا کې د افغانستان سفارت پرون چهارشنبه د (وري په ۳۰مه) خبر ورکړی، چې په امريکا کې د افغانستان سفارت او کونسلګيريو له تړل کېدو وروسته به دغلته د مېشتو افغانو لپاره په کاناډا کې کونسلي خدمتونه وړاندې کوي.
په اوتاوا کې د افغانانستان سفارت د يوې اعلاميې په خپرولو سره ويلي، چې دا کار د نړيوالو اصولو په چوکاټ کې د کاناډا او امريکا له قوانېنو سره سم کوي. سفارت زيات کړې په دې اړه له دواړو هېوادونو سره همغږي هم شوې ده.
په اوتاوا کې د افغانستان سفارت زياته کړې، چې دغه سفارت په امريکا کې استازی نه لري نو له همدې کبله اړتيا ده چې په امريکا کې مېشت افغانان په مستقيمه توګه له سفارت او يا هم په ټورنټو او ونکور ښارونو کې د افغانستان له کونسلګيريو سره اړيکه ونيسي.
په واشنګټن کې د افغانستان سفارت او په نيويارک او لاسانجلېس کې يې اړوند کنسلګيرۍ د مارچ په ۱۶مه د مالي ستونزو له امله وتړل شوې او د ودانيو د ساتنې مسووليت يې د امريکا دولت ته وسپارل شو.
