رویداد خبري آژانس په افغانستان کې لومړنۍ دیجټلي خبري آژانس
دافغانستان د ولسي جرګې یوشمېرغړي د ښوونکو د معاشونو د يو شان کېدو له کبله د ولسمشرۍ ماڼۍ او د ملي امنيت شورا تر فشار لاندې دي.
دغه موضوع ولسي جرګه کې د پروان ولايت د خلکو استازي صدیق احمد عثماني په پروان کې د ښوونکو په يوه غونډه کې مطرح کړه.
احمد عثماني وايي، د حکومت رهبري او د ملي امنيت شورا د دې لپاره چې د ولسي جرګې استازي د ښوونکو د معاشونو د يو شان والي له پرېکړې په شا شي او د ۱۴۰۰مالي کال بودجه تصويب کړي، فشارونه وارد کړي دي.
نوموړی وايي، تر هغه چې د ښوونکو معاشونه لوړ شوي نه وي، دوی به له خپلې پرېکړې په شا نه شي.
خو د ماليې سرپرست وزير محمد خالد پاینده وايي، که بودجه تصويب نه شي، نو بې وزلي او اقتصادي ستونزې به ډېرې شي.
