رویداد خبري آژانس په افغانستان کې لومړنۍ دیجټلي خبري آژانس
د جاپان پارلمان تازه د لېبرال ډيموکراټ ګوند مشر فوميو کيشيدا چې په پارلمان کې اکثريت نفوذ لري، د دغه هېواد د نوي لومړي وزير په توګه تائيد کړ.
نوموړي د لومړي وزير تر ټاکل کېدو يوازې يوه اوونۍ وړاندې د خپل لېبرال ډيموکراټ ګوند مشري هم په غاړه واخېسته.
کيشيدا وروسته له هغې د لومړي وزير په توګه وټاکل شو، چې مخکيني لومړي وزير يوشيهيدي سوګا د يوه کال لپاره په واک تر پاتې وروسته استعفا وکړه.
د نوموړي پر حکومت نېوکه وه چې د کرونا پر وړندې يې جدي اجدام نه دی کړی او له همدې کبله يې د عامو خلکو ملاتړ کم شوی و.
نوي لومړي وزير فوميو کيشيدا چې کلونه وړاندې د جاپان بهرنيو چارو وزير په توګه هم پاتې شوی ژمنه کړې، چې د حکومت په پاليسيو کې د تغير په راوړلو سره به جاپان ته نوی اقتصادي تحرک ورکوي.
