رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې نن يکشنبه د (وري په ۱۴مه) د پاکستان په ملي شورا (قومي اسمبلۍ) کې د لومړي وزير عمران خان مخالفو سياسي ګوندونو غړي نوموړي ته د باور او يا هم د نه باور رايه ورکړي.
خو عمران خان پرون شنبه ويلي، چې د نوموړي پرځولو په موخه بهرنۍ دسيسه دوام لري او احازه به ور نه کړي چې د يادې دسيسي پلي کوونکي بريالي شي.
نوموړي پر خپلو پلويانو غږ کړی، چې نن يکشنبه په سراسر پاکستان کې د يادې دسيسې د ناکامولو په موخه لاريونونه وکړي. د لاريونو په اړه د نوموړي اعلان مخالف سياسي ګوندونه هم ور خطا کړي دي.
دې ګوندونو پر عمران خان غږ کړی، که پلويان يې د لاريونو پرمهال له تشدد کار واخلي، نو مسووليت به يې په خپله عمران خان ته راجع وي.
که د بې باورۍ تحريک نن د پاکستان په پارلمان کې بريالی شي، نو سملاسي به عمران خان له اوسني موقف لرې کېږي او پر ځای به يې په څو ورځو کې پارلمان نوی لومړی وزير ټاکي.
