رویداد خبري آژانس په افغانستان کې لومړنۍ دیجټلي خبري آژانس
راشد خان ارمان د هند پریمیر لیګ سیالیو کې د ګډون په هدف له خپلې اړوندې لوبډلې «ګجرات ټایټنز» سره تمرینونه پيل کړي.
په نوموړې لوبډلې کې د راشد خان ترڅنګ دوه نور افغان لوبغاړي، نور احمد لکڼوال او عظمت الله عمرزی هم لوبېږي.
هندي رسنیو لیکلي، تمه کېږي چې راشد خان به د شوبمن ګل په لوبډلمشرۍ به د ګجرات ټایټنز لوبډلې محوري نقش ولوبوي.
ګجرات لوبډلې نن شنبې څلور ساعته وړاندې پخپله اېکس پاڼه له یوې خپرې شوې ویډیو سره لیکلي، چې راشد خان په جال کې د لوبې پرمهال د لیدو پرته هیلکوپټر شاټونه سره شپږیزې وهي.
د یادونې ده چې د هند سږني پریکیر لیګ (IPL) اوولسم پړاو سیالیو کې اته افغان لوبغاړي اخیستل شوي، راشد خان، نور احمد لکڼوال او عظمت الله عمرزی د ګجرات ټایټنز، فضل حق فاروقي د سن رایز حیدر اباد، محمد نبي عیسی خېل د ممبي انډینز او نوین الحق مراد د لکهنو سوپر جاینټز لوبډلو برخه دي.
د هند پریمیر لیګ سیالیو په اوسني پړاو کې چې تېره ورځ پیل شوی لس لوبډلې یو تر بله څلور اویا لوبې په مخ کې لري.
