رویداد خبري آژانس په افغانستان کې لومړنۍ دیجټلي خبري آژانس
د نورستان ولایت والي ډاکټر عبدالغفور ملکزی وایي د دغه ولایت د هرې ولسوالۍ او کلیوتو ته به ځانګړې پاملرنه وشي. ښاغلي ملکزي وویل: چې د نورستان د هرې ولسوالۍ او کلي اوسیدونکي د متوازن انکشاف غوښتونکي دي او په ټول توان سره به کوښښ وکړي چې په بېلابېلو برخو کې ورته رغنیزې پروژې پلې کړي.
د نورستان والي ډاکټر عبدالغفور ملکزي نن شنبه د زمري ۴ مه د پارون قومي شورا غړو ته په جوړه شوې غونډه کې وویل؛چې د روانو پروژو به په کلکه څارنه وکړي او په خپل وخت به یې سرته ورسوي او همدارنګه به د نورستان لپاره د نورو لویو پروژو دپلیدو شاهد اوسي تر څو د ولسونو شتې ستونزې هوارې شي.
ښاغلي ملکزي دقومي شورا د ستونزو او غوښتنو تر اوریدو وروسته له ولسي مشرانو هم غوښته وکړه چې د ولایتي اداري سره خپله همغږي او پلوي لاپیاوړي کړي تر څو وکولای شي چې په هرو برخو کې انکشافي برنامې پلې کړي
