رویداد خبري آژانس په افغانستان کې لومړنۍ دیجټلي خبري آژانس
دفاع وزارت وایي په هلمند ولایت کې ۱۹ تنه وسله والو طالبانو ته مرګ ژوبله اوښتې ده.
د افغانستان د ملي دفاع وزارت له خوا په خپره شوې خبرپاڼه کې راغلي، تېره ورځ طالبانو دهلمند ولایت په ناوې، ګرشک او نادعلي ولسوالیو اړوند سیمه کې افغان ځواکونو پر پوستو د برید په موخه راټول شوي وو.
د یاد وزارت په خبرپاڼې کې لیکلي:” د هوایي ځواک په ملاتړ د یاد ولایت ناوې ولسوالۍ “مومن خان” سیمه کې ۹ طالبان وژل شوي، نادعلي ولسوالۍ “نو اباد سیمه” سیمه کې ۴ طالبان وژل شوي او ۴ نور ټپیان شول او ګرشک ولسوالۍ اړوند سیمه کې ۲ طالبان وژل شوي.”
دفاع وزارت زیاته کړې، چې په دې بریدونه کې د طالبانو ۴ میله کلاشینکوف، یو میل پيکا یو راکټ، هم له منځه تلي دي، او یو میل کلاشینکوف یوه پایه ایکم مخابره او یو موټر سایکیل افغان ځواکونو لاسته ورغلي.
