رویداد خبري آژانس په افغانستان کې لومړنۍ دیجټلي خبري آژانس
د بشري حقونو یو سازمان پرون (دوشنبه مرغومي ۱۷مه) په تازه راپور کې ویلي چې د ایران حکومت د هغه ۵۲ سیاسي او امنیتي بندیانو نوملړ خپور کړی چې پرې د اعدام حکم شوی دی.
همداراز په راپور کې د ایران د بشري حقونو فعالینو ویلي چې په سیاسي او امنیتي زندانیانو باندې د اعدام سزا د ایران په ستره محکمه کې تائید شوې او قضیې یې د تطبیق په موخه اجراییې څانګې ته استول شوې دي.
د معلوماتو له مخې، ایران په نړۍ کې تر چین وروسته دویم هېواد دی چې ډېر کسان پکې اعدامېږي.
دا په داسې حال کې ده چې د هه نګاو په نامه د بشري حقونو سازمان د روانې جنورۍ میاشتې په دویمې نیټې خبر ورکړ چې په ایران کې په ۲۰۲۴ کال کې لږ تر لږه ۹۰۱ کسان اعدام شوي چې ۷۳ یې افغانان دي.
