رویداد خبري آژانس په افغانستان کې لومړنۍ دیجټلي خبري آژانس
د بشري حقونو سازمان «حال وش» په دې وروستیو کې د ایران پر پوله د لسګونو افغان کډوالو د وژل کېدو په اړه راپور خپور کړی دی.
د دغه راپور له مخې، یکشنبې، د تلې ۲۲مه «شاوخوا ۲۶۰ افغان کډوال د ایران د نظامي ځواکونو د ډزو له امله مړه یا ټپیان شول.»
دغه معلومات د پېښې په ځای کې د دوو عیني شاهدانو له خوا هم تایید شوي. د دغو عیني شاهدانو د څرګندونو له مخې، د ایراني پوله ساتو ځواکونو د کلګان- سراوان په پوله کې د افغان کډوالو په یوې ډلې برید کړی چې غوښتل یې ایران ته دننه شي.
د پېښې له سیمې ترلاسه شوي انځورونه او راپورونه ښيي چې د ډزو پر مهال شاوخوا ۳۰۰ افغان کډوال په سیمه کې موجود وو او د عیني شاهدانو په وینا یوازې له ۶۰ تر ۷۰ یې ژوندي پاتې شوي دي.
تر اوسه ایراني ځواکونو او ا.ا په دې اړه کوم غبرګون نه دی ښودلی.
