رویداد خبري آژانس په افغانستان کې لومړنۍ دیجټلي خبري آژانس
د ترکيې ولسمشر رجب طيب اردوغان پرېکړه کړې چې د امريکا، جرمني او فرانسې په ګډون دې د لسو هېوادونو سفيران ژر تر ژره له ترکيې ووځي.
په دې پرېکړه کې د امريکا، فرانسې، فنلنډ، نيوزيلنډ، جرمني، هالنډ، ناروې، سوېډن، کاناډا او ډينمارک هېوادونو سفيران شامل دي. اردوغان په خپلو ټکو دغه سفيران سپين سترګي بللي او ويلي يې دي چې دوی بايد بې حيا اعلان شي.
دې سفيرانو په دې وروستيو کې د يوې ګډې اعلاميې له مخې، د عثمان کاوالا د دوسيې په بشپړه توګه بندېدل او دغه راز د نوموړي د خوشې کېدو غوښتنه کړې ده.
عثمان کاوالا باندې تور دی چې په ۲۰۱۶ زېږديز کال کې پر ولسمشر اردوغان د کودتا په پلان کې شريک و او له همدې کبله ترکيې حکومت نيولی دی.
