رویداد خبري آژانس په افغانستان کې لومړنۍ دیجټلي خبري آژانس
د کابل امنيه قومنداني وايي، امنيتي ځواکونو د ښار اوومې حوزې په جای رئيس سيمه کې د رامين په نام يو کس د ۳ ښځو د وژلو په تور نيولی دی.
د امنيه قومندانۍ وياند خالد ځدراڼ رويداد ته په لېږلې خبرپاڼه کې ويلي، تورن کس ځان د وژل شوو ښځو د عملي موټروان ښودلی او د لومړنيو څېړنو په ترڅ کې يې پر خپل جرم اعتراف هم کړی دی.
ځدراڼ زياته کړې چې له نيول شوي کس د لا زياتو مالوماتو د ترلاسه کولو په موخه څېړنې اوس هم دوام لري.
تېره شپه د (سلواغې په ۱۹مه) د کابل ښار اوومې حوزې اړوند په جای رئيس سيمه کې درې ښځې د نامالومو کسانو له لوري وژل شوي. په وژل شوو ښځو کې يوه يې مور او پاتې دوې هغه يې لوڼې دي.
