رویداد خبري آژانس په افغانستان کې لومړنۍ دیجټلي خبري آژانس
په افغانستان کې د ملګرو ملتونو سیاسي استازوالۍ یا «یوناما» په دایکندي کې د تیرې ورځې سړک غاړې ماین چاودنې د غندلو ترڅنګ ویلي چې دا د سولې پر لور لار نه ده.
د چارواکو په وینا تیره ورځ د دایکندي په کجران ولسوالۍ کې د سړک غاړې ماین چاودنې د ښځو او ماشومانو په ګدون ۱۴ تنه ووژل او درې نور ماشومان یې ټپیان کړل.
یوناما ټینګار کړی چې د دغو غیر قانوني ځکمنیو ماینونو ښخول باید ودرول شي.
په اعلامیه کې ویل شوي:”ددغو غيرقانوني ځمکنيو ماينونو کارول ودروئ.
دا دسولې پرلور لار نده”د ملګرو ملتونو سیاسي استازوالۍ ویلي چې یوازې په تیره اګست میاشت کې د سړک غاړې ماین چاودنو له امله سل تنه ملکي وګړي وژل شوي دي.
تر دا مهاله ددغه ماین چاودنې مسؤلیت کومې وسله والې ډلې نه دی منلی.
