رویداد خبري آژانس په افغانستان کې لومړنۍ دیجټلي خبري آژانس
د پاکستان د اپوزیسیون مشر محمود خان اڅکزي له حکومت څخه غوښتي چې له افغانستان سره دې د دښمنۍ له سیاست څخه لاس واخلي. نوموړي ویلي، که حکومت د افغانستان له لوري د دښمنۍ د چلند کره شواهد وړاندې کړي، نو اپوزیسیون به یې ملاتړ وکړي.
اڅکزي دا څرګندونې د جمعیت علمای اسلام د مشر مولانا فضلالرحمن په کوربتوب د مخالفو ګوندونو په غونډه کې کړې دي. دا غونډه په داسې مهال کېږي چې د پاکستان اپوزیسیون ګوندونه د ګډې مخالفې جبهې پر جوړولو هم هوکړې ته رسېدلي دي.
نوموړي همداراز له لومړي وزیر شهباز شریف څخه غوښتي چې د سعودي عربستان او ترکیې له لوري د اګست په ۷مه لاسلیک شوي د مکې ګډ دفاعي تړون په اړه خلکو ته وضاحت ورکړي او وړاندیز یې کړی چې ایران او مصر هم په دې ډول امنیتي چوکاټ کې شامل شي. د پاکستان د بهرنیو چارو وزارت وايي، دغه تړون د درې واړو هېوادونو د ګډ امنیت او دفاع لپاره دی او د نورو هېوادونو د احتمالي ګډون موضوع هم مطرح شوې ده
محمود خان اڅکزی
