رویداد خبري آژانس په افغانستان کې لومړنۍ دیجټلي خبري آژانس
د افغانستان ا.ا د پرېکړې له مخې، مالیې وزارت په هېواد کې د ځینو معنوي، حکمي او حقیقي اشخاصو پر عایداتو مالیې راکمې کړي چې په ځینو برخو کې تر پنځوس سلنې رسیږي.
د نوې پرېکړې له مخې، له دې وروسته د کانونو پرته له ټولو معنوي او حکمي اشخاصو، روغتونونو او روغتیایي مرکزونو پر عایداتو یوازې لس سلنې مالیه اخیستل کیږي.
دا کچه له دې مخکې شل سلنې وه.
له دې ور اخوا، د هغو اشخاصو لپاره مالیه معاف شوې چې کلنۍ عاید یې ۱۲۰ زره افغانۍ وي.
له دې مخکې دا کچه ۶۰ زره افغانۍ وه.
مالیې وزارت د ملکیتونو د لېږد مالیه هم له یو سلنې صفر اعشاریه پنځه سلنې ته راښکته کړې ده.
