رویداد خبري آژانس په افغانستان کې لومړنۍ دیجټلي خبري آژانس
د امريکا په نيو مکسيکو ايالت کې پوليسو ويلي، چې يو افغان وګړی يې په دې ايالت کې د دوو کسانو د وژلو په تور نيولی او څېړنې يې ترې پيل کړي دي.
اسوشيېټيډ پرېس په دې اړه خپل راپور کې ويلي، چې پوليسو د نيول شوي کس نوم محمد سيد او عمر يې ۵۱ کاله ښودلی دی. په راپور کې د پوليسو له قوله ويل شوي، چې پر محمد سيد داسې شک هم شته چې ښايي په نيو مکسيکو کې له وړاندې شوو وژنو کې هم لاس ولري.
د پوليسو يوه ځايي مشر هېرولډ رسنيو ته ويلي، تر اوسه دا نه ده مالومه چې تازه وژل شوي دوه مسلمانان د کرکې په اساس وژل شوي او که د کومې بلې انګېزې له مخې؟
د اسوشيېټيډ پرېس د راپور له مخې، موده وړاندې د محمد سيد لور له يوه شعيه مسلمان سره واده کړی او نوموړی د خپلې لور پر دې پرېکړه غوسه دی.
خو پوليسو ويلي، چې د يادو وژنو او د انګيزې په اړه يې پلټنې دوام لري. د امريکا ولسمشر جوبايډن هم د نوموړي نيول کېدو ته غبرګون ښودلی او ويلي يې دي، چې دا ډول پېښو ته په امريکا کې اجازه نشته.
محمد سيد له پنځو کلونو راهيسې په امريکا کې اوسي.
