رویداد خبري آژانس په افغانستان کې لومړنۍ دیجټلي خبري آژانس
د کرکټ نړیوالې شورا (ICC)د نړۍ د غوره لوبډلو او غوره لوبغاړو تازه درجه بندي اعلان کړې چې پکې د کرکت ملي لوبډلې لوبغاړی راشد خان د نړۍ د غوره توپ اچوونکو په سر کې ځای نیولی.
راشد خان په یو ورځنیو نړیوالو لوبو کې د ۶۸۷ امتیازونو سره د پاکستان شاهین افریدي وروسته کړی او لومړی مقام یې خپل کړی دی.
د کرکټ نړیوالې شورا په دې درجه بندۍ کې د جنوبي افریقا لوبغاړی کیشاف مهاراج له راشد خان او شاهین اپریدي وروسته د نړۍ درېیم غوره توپ اچوونکی شو.
دغه راز په دې درجه بندۍ کې د کرکټ ملي لوبډلې بل لوبغاړی رحمن الله ګربز د ۵۰ اوریزه لوبو په توپوهنه کې اووم ځای او په شل اوریزو لوبو کې لسم ځای ساتلی دی.
همدارنګه، د افغانستان بل لوبغاړی محمد نبي د «الرونډرانو»په برخه کې خپل لومړی ځای ساتلی او راشد خان هم په دې برخه کې د نړۍ په درېیم ځای کې پاتې شوی دی.
د افغانستان ملي لوبډله د شل اوریزو او ۵۰ اوریزو لوبو په درجه بندۍ کې بدلون نه دی کړی او لا هم په ترتیب سره په دولسم او لسم ځای کې ده.
