رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي دفاع وزارت وایي، کندهار ولایت کې د امنیتي ځواکونو په عملیاتو کې ۱۸ طالبان وژل شوي او ۱۰ نور ټپیان شوي دي.
د دغه وزارت لخوا په خپره شوې اعلامیه کې ویلي، چې دغه عملیات تېره ورځ امنیتي ځواکونو د هوایي قواوو په ملاتړ د کندهار ولایت په ارغنداب، شاه ولیکوټ او ژیړۍ ولسوالیو کې کړي دي.
د دفاع وزارت په اعلامیه کې راغلي:” ارغنداب ولسوالۍ کې د طالبانو ۳موټر، ۷ موټرسایکلونه، ۱۵ د راکټ مرمي، ۱۰ پټاقۍ ۱۰ لاسي ماینونه، ۶ ریموټ کنټرول ماینونه او یوه اندازه وسلې، مهمات افغان ځواکونو لاسته ورغلي دي.”
اعلامیه زیاتوي چې ملي اردو ځواکونو ۲۳۶ بېلابېل ډول ماینونه کشف او خنثی کړي هم دي.
