رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي دفاع وزارت په کندهار ولایت کې د ۵۲ طالبانو د وژل کېدو او ۱۶ تنه نور د ټپیانو دوو ادعاه کړې ده.
د دفاع وزارت لخوا په خپره شوې اعلامیه کې راغلي، چې افغان ځواکونو د کندهار ولایت په ارغنداب، پنجوايي او ډنډ ولسوالیو کې د طالب وسله والو پر وړاندې چاڼيز عملیات ترسره کړي.
په اعلامیه کې راغلي، چې د دغو عملیاتو په پایله کې ۵۲ طالبان وژل شوي او ۱۶ تنه نور ټپيان شوي دي.
اعلامیه زیاتوي چې په یادو عملیاتو کې طالبانو درې مورچلې، دوه موټرونه، پنځه موټرسایکلونه او یوه اندازه وسلې او مهمات له منځه وړل شوي.
دفاع وزارت دغه راز ویلي، چې ۱۹ کړۍ ماینونه د کندهار ولایت “ژیړۍ” ولسوالۍ په بیلابیلو سیمو کې ځای پرځای کړی وو، د ۲۰۵ اتل قول اردو ځواکونو د انجینیرۍ ټیم له لوري کشف او شنډ شوي دي.
