رویداد خبري آژانس په افغانستان کې لومړنۍ دیجټلي خبري آژانس
د اسپانیا هیواد د فوټبال سوپر کپ نیمه پایلوبو ته بارسلونا، ریال ماډریډ، ریال سوسیداد او اتلاتیک بلباوو فوټبال لوبډلو لاره پیداکړې وه.
لومړۍ نیمه پایلوبه د چهارشنبې په ماخستن د بارسلونا او ریال سوسیداد لوبډلو ترمنځ ترسره شوه، چې پکې لوبه یو ـ یو ګول مساوي شو، خو وروسته درې پر دوه په پینالټیو کې بارسلونا بریا خپله کړه.
دویمه نیمه پایلوبه تېره شپه د ریال ماډریډ او اتلاتیک بلباوو لوبډلو ترمنځ وه، چې اتلاتیک بلباوو ۲ ګولونه پر ۱ بریا خپله کړه.
په دې سره اوس د اسپانیا سوپر کپ پایلوبې ته بارسلونا او اتلاتیک بلباوو لوبډلو لاره پیداکړه.
دا دوې لوبډلې د دې جام پایلوبه راتلونکې یکشنبه ماخستن ۱۲:۳۰ بجې ترسره کوي.
