رویداد خبري آژانس په افغانستان کې لومړنۍ دیجټلي خبري آژانس
په لغمان ولایت کې د سرک غاړې ماین چاودنه کې د ولسوال په ګډون څلور کسان وژل شوي او دوه تنه نور ټپیان دي.
د لغمان د والي ویاند اسدالله دولتزی وايي چې د اکتوبر پر ۷ (تلې۱۷) له غرمې وروسته شاوخوا دوه بجې د دغه ولایت د دولت شاه ولسوالۍ ولسوال سید شریف پاچا چې په یوه ټانک کې سپور و، د اندا کوري سیمه کې پرې د سرک غاړې ماین چاودنه کړې چې له کبله یې د ولسوال په ګډون څلور تنه وژل شوي او دوه تنه نظامیان یې ټپیان کړي دي.
نوموړی زیاتوي چې د ټپیانو روغتیایې حالت د ډاډ وړ دی.د پېښې مسوولیت چا نه دی منلی.
د یادونې وړ ده چې د اکتوبر پر شپږمه هم د لغمان په قرغیو ولسوالۍ کې د دې ولایت د ولایتي شورا د رییس په موټر د سرک غاړې ماین چاودنه کړې وه چې د هغه په ګډون په کې درې تنه ژوبل شوي ول.
او د اکتوبر پر پینځمه هم د لغمان د والي په کاروان موټر بم چاودنې اته تنه وژلي ول او ۳۶ نور یې ټپیان کړي ول.
