رویداد خبري آژانس په افغانستان کې لومړنۍ دیجټلي خبري آژانس
د سياېناېن په خپل تازه راپور کې ويلي، چې کابل ښايي تر ۲۰۳۰ کال پورې د څښاک له اوبو په بشپړه توګه بېبرخې شي.
دغې امریکايي رسنۍ ویلي، چې د کابل د اوبو بحران لا له وړاندې د ښار پر ګڼو اوسېدونکو اغېز کړی او یو شمېر کورنۍ د اوبو د ترلاسه کولو لپاره له جدي ستونزو سره مخ دي.
سياېناېن د کابل د اوبو بحران د اغېزو د څرګندولو لپاره د خیرخانې سیمې د یوې اوسېدونکې بېلګه هم وړاندې کړې ده.
راپور زیاتوي، چې وچکالي، د ځمکې لاندې اوبو د کچې کمېدل، اقلیمي بدلون او د کابل د نفوس چټک زیاتوالی د اوبو د بحران له مهمو لاملونو څخه دي. سياېناېن خبرداری ورکړی، چې که د اوبو د کمښت د مخنیوي لپاره جدي اقدامات ونه شي، کابل به په راتلونکو کلونو کې له لا سخت وضعیت سره مخ شي.
