رویداد خبري آژانس په افغانستان کې لومړنۍ دیجټلي خبري آژانس
د عدلیې وزارت وایي، چې په تېرو څلورو کلونو کې د هېواد په ۱۴ ولایتونو کې ۴۹ ښارګوټي په بشپړ یا جزوي ډول دولتي ملکیت تثبیت او بېرته ترلاسه شوي دي.
دغه وزارت په یوه خپره کړې خبرپاڼه کې ویلي، چې د ځمکو د غصب د مخنیوي او د غصب شویو ځمکو د بېرته ترلاسه کولو کمېسیون له جوړېدو وروسته، په ټول هېواد کې د ټولو استوګنیزو ښارګوټو ځمکې تر څېړنې لاندې نیول شوې دي.
د معلوماتو له مخې، یاد ښارګوټي په کابل، بلخ، ننګرهار، غزني، میدان وردګ، کندهار، هلمند، جوزجان، سمنګان، زابل، فاریاب، بغلان، پروان او کندز ولایتونو کې موقعیت لري.
