رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ بورډ وایي چې افغان ابدالیان لوبډله عمان ته روانه شوې ده.
د کرکټ بورډ څخه نن (دوشنبې، د تلې ۱۶مه) په خپره شوې خبرپاڼه کې راغلي، چې الف لوبډله د هانکانګ او عمان کرکټ لوبډلو ترمنځ د درې اړخېزه لوبلړۍ او د ایمرجېنګ اسیا جام سیالیو کې د ګډون په موخه عمان ته روانه شوې ده.
خبرپاڼې زیاته کړې چې په دې سیالیو کې د افغان ابدالیانو تر څنګ، کوربه عمان او هانګکانګ ملي لوبډلې هم ګډون کوي چې موخه یې راتلوونکو سیالیو ته چمتوالی دی.
د خبرپاڼې د معلوماتو له مخې له دې سیالیو وروسته د افغان ابدالیانو لوبډله به په ایمرجېنګ اسیا جام سیالیو کې هم برخه واخلي چې د اکټوبر میاشتې پر ۱۸مه به عمان کې ترسره شي.
د ویلو ده چې «ایمرجېنګ اسیا» یو مهم نړیوال جام دی چې پکې د سیمې ځوانې او نوې راټوکېدلې کرکټ لوبډلې د یو بل پر وړاندې سیالۍ کوي.
