رویداد خبري آژانس په افغانستان کې لومړنۍ دیجټلي خبري آژانس
امريکايي چارواکو يو وار بيا خپلې هغه ژمنې تازه کړي، چې موده وړاندې يې په افغانستان کې رامنځته شوي اقتصادي ناورين ته د رسېدنې په برخه کې کړې وې.
د افغانستان لپاره د امريکا ځانګړي استازي توماس ويسټ پرون شنبه د (زمري په ۲۲مه) په خپل ټوېټر کې په دې اړه ليکلي، چې د امريکا متحده ايالت به د خوړو ناخونديتو د له منځه وړلو، د ماشومانو د زدهکړو او د ښځو او نجونو د پياوړتيا په موخه له افغانستان سره ۱۵۰ ميليون ډالر مرسته وکړي.
نوموړي زياته کړې، چې له دې ډلې به ۴۰ ميليونه ډالر د ماشومانو لپاره د ملګرو ملتونو وجهي صندوق يا يونيسف ته ورکړي، څو په خبره يې دغه اداره ياده اندازه پيسي د ماشومانو او په ځانګړې توګه د نجونو د زدهکړو پر بهير ولګوي.
امريکا داسې مهال د يادې اندازې مرستې اعلان کوي، چې واک ته د طالبانو له بيا ځلي رسيدو سره پر افغانستان د نړيوالو مرستې بندې شوې او ورسره په افغانستان کې اقتصادي ناورين رامنځته شو.
دې ناورين د کورنيو پر وضعيت ژور اغېز وکړ ان دا چې زرګونه ماشومانو د ډوډۍ پيدا کولو په موخه ښوونځي ته د تګ پر ځای شاقه کارونو ته مخه کړه.
