رویداد خبري آژانس په افغانستان کې لومړنۍ دیجټلي خبري آژانس
د امريکا مخکيني ولسمشر ډونالډ ټرمپ په خپلو تازه څرګندونو کې تايوان ته د امريکا د استازو جرګې د مشرې نانسې پلوسې سفر غندلی دی.
نوموړي پرون په ټکزاس ايالت کې خپلو پلويانو ته د وينا پرمهال نيوکه کړې، چې نانسې پلوسې تايوان ته په سفر کولو سره لوبه د چين په لاس کې ورکړه او په خبره يې د بايډن اداره هغه څه کوي، چې زړه يې غواړي.
ټرمپ د امريکا د استازو جرګې مشرې نانسې پلوسې ته په خطاب کې ويلي، چې دا ښځه امريکا ته ګډوډي راوړي او بس.
نوموړي زياته کړې، که په اوس کې خپله دی د امريکا ولسمشر وای، نو نانسې پلوسې به ترې تايوان ته سفر نه وای کړی او نه به يې هم دا اجازه ورکړې وی، چې امريکا ګډه وډه کړي.
تېره اوونۍ د چين له اخطارونو سره سره نانسې پلوسې تايوان ته لاړه او دغلته يې د نوموړي هېواد له چارواکو سره دوه اړخيزه اړيکو پر پرختيا او د ډيموکراسۍ پر تحکيم خبرې وکړي.
له هماغې ورځې چين تايوان ته نږدې پوځي مانورونه پيل کړل او په دې مانورو کې له خپلې ټولو پوځي امکانات کار استفاده کوي.
