رویداد خبري آژانس په افغانستان کې لومړنۍ دیجټلي خبري آژانس
په بلوچستان کې د وروستيو زياتو بارانونو د اورېدو له امله د دې سيمې په ډېرو ولسواليو کې سيلابونه را وتلي او ځايي اوسېدونکو ته يې د مالي زيانونو ترڅنګ ځاني زيانونه هم اړولي دي.
د بلوچستان د طبيعي پېښو د تنظيم صوبايي ادارې ويلي، چې تر دې مهال د سېلابونو له امله ۷۶ کسان مړه شوي، ۵۲ ټپيان، ۵زره کورنه وران او دغه راز ۷زره نور کسان زيانمن شوي دي.
د پاکستان د چاپيريال ساتنې وزېرې شيري رحمان دا بارانونه د اقليمي بدلون پايله بللې او زياته کړې يې ده چې ښايي تر راتلونکي ګسټ مياشتې پورې دوام وکړي.
د بلوچستان حکومت ۱۰ ولسوالۍ د سېلابونو له امله زيانمنې شوې اعلان کړي دي؛ خو په ځانګړې توګه يادو سيلابونو ډېر زيان په کووټه، دوکۍ، ژوب، پښين، ګوادر، کلاسېفالله، تربت او پنجګور کې اړولی دی.
