رویداد خبري آژانس په افغانستان کې لومړنۍ دیجټلي خبري آژانس
ايراني چارواکو خبر ورکړی چې په افغانستان کې د جګړې له ختمېدو وروسته بيا ځينې هېوادونه غواړي چې دغلته نيابتي جګړه پيل کړي.
د افغانستان لپاره د ايران ځانګړي استازي حسن کاظمي قمي کابل ته خپل سفر په ترڅ ويلي، يو شمېر هېوادونه سر له اوسه په دې هڅه کې چې دي چې افغانستان بيا د نيابتي جګړې پر ميدان بدل کړي او د دې کار لپاره په افغانستان کې ترهګري پلمه کوي.
نوموړي زياته کړې ايران دامهال د افغانستان په اړه د سيمې هېوادونو ترمنځ د ښې همغږۍ رامنځته کولو په موخه، هغه څه چې په افغانستان کې تېر شول، ارزوي.
له دې سره پخواني ولسمشر حامد کرزي هم د سيمې هېوادونو د استازو په يوه انلاين کنفرانس کې د خبرو پرمهال ويلي، وروستيو پېښو ته په پام سره اوس هم داسې هڅې کېږي چې په افغانستان کې جګړه دوام پيدا کړي.
