رویداد خبري آژانس په افغانستان کې لومړنۍ دیجټلي خبري آژانس
د (وان يس تايناز) په نوم يوه چينايي شرکت ويلي، چې په افغانستان کې په لوړ کيفيت او لوړه بيه د دې هېواد د ځينو کاني سيمو کيندنې ته چمتوو دی.
د چارو ادارې په يوه خبرپاڼه کې نن سېشنبه د (چنګاښ په ۲۸مه) د يوې خبرپاڼې په خپرولو سره څرګنده کړې، د دې چينايي شرکت مسوولانو د چارو ادارې له مرستيال نورالحق انور سره په ليدنه کې ويلي، چې د کان کيندنې لپاره د افغانستان حکومت ته د لوړې بيې ورکولو ته تيار دي.
د دې شرکت رئيس جانګ باو مبنګ د ليدنې پرمهال ويلي، چمتوو دی چې د نورو هېوادونو په پرتله په افغانستان کې د کان کيندنې قرادادونه په لوړه بيه ترلاسه کړي.
نوموړي زياته کړې، چې شرکت يې د مسلکي پرسونل او تخنيکي وسايلو په لرلو سره کولی شي، چې د افغانستان کانونو په کيندنه کې مسلکي رول ولوبوي.
له دې سره نورالحق انور د وان يس تايناز له شرکت څخه په مننې ټينګار کړی، چې نوموړی شرکت دې خپل شرطونه د يوه رسمي مکتوب له لارې مطرح کړي.
انور ويلي، چې د ياد شرکت له لوري په رسمي توګه د شرطونو له شريک کېدو وروسته به، په دې اړه له اړوند وزارت او نورو ادارو سره په ګډه لازمه پرېکړه وکړي.
