رویداد خبري آژانس په افغانستان کې لومړنۍ دیجټلي خبري آژانس
د امریکا د عدلیې وزارت ویلي، د افغانستان د سرحدي ځواکونو پخوانی قومندان او د ولسي جرګې پخوانی لومړی مرستیال، ظاهر قدیر، امریکا ته سپارل شوی دی.
د یاد وزارت د مالوماتو له مخې، نوموړی به د جولای په ۱۰مه د نیویارک د منهټن فدرالي محکمې ته د هیرویینو د قاچاق او د وسلو د ناقانونه ساتلو د تورونو په تړاو حاضر کړل شي.
امریکايي څارنوالان ادعا کوي چې ظاهر قدیر د نشهیي توکو او وسلو د قاچاق له یوې پراخې شبکې سره تړاو لري او مشري یې کوله.
د خپروشويو مالوماتو پر بنسټ، که پر نوموړي لګېدلي تورونه په محکمه کې رښتيا ثابت شي، نو ښايي له لسو کلونو او يا عمري بند پورې په بند محکوم شي.
