رویداد خبري آژانس په افغانستان کې لومړنۍ دیجټلي خبري آژانس
د مخابراتو او معلوماتي ټکناوژۍ وزارت د سیمکارټونو د ثبتولو د غوره مدیریت لپاره یو پرمختللی سسیسټم جوړ کړی چې د الکټرونیکي پېژندپاڼو د احصایې ملي او معلوماتو ادارې له سیسټم سره وصل دی.
د یاد وزارت ویاند، عنایتالله الکوزی په اېکس پاڼه لیکلي چې له دې وروسته به ټول مخابراتي شرکتونه د سیمکارټ د ثبتولو پرمهال د مشتري د پېژندلو تاییدي د دې سیستم له لارې د احصایې ملي او معلوماتو ادارې څخه ترلاسه کوي.
نوموړي زیاته کړې ده چې د دې سیسټم له لارې هېڅوک نه شي کولای په جعلي پېژندپاڼه سیمکارټ ثبت کړي.
د مخابراتو او معلوماتي ټکناوژۍ وزارت د معلوماتو پر بنسټ اوس مهال په افغانستان کې ۲۵میلیونه فعال سیمکارټونه شته، چې له دې ډلې تر اوسه ۱۰میلیونه سیمکارټونه په الکټرونیکي پېژندپاڼو ثبت شوي دي.
