رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي چې په تېرو ۲۴ ساعتونو کې د هېواد په بېلابېلو ولایتونو کې د کرونا وبا ۲۴۸ نمونې څېړل شوې دي چې له ډلې یې د ۳۲ هغو پایله مثبته وه، له دې سره پر یادې ناروغۍ د اخته کسانو شمېر ۴۰ زره او ۲۶ ته رسېدلی دی.
د عامې روغتیا وزارت په وینا، په همدې موده کې له کرونا وبا د مړینې کوم راپور نه دی ورکړل شوی خو ۹۳ نور بیا بېرته روغ شوي دي.
د روغتیا وزارت د وروستیو معلوماتو له مخې، تر اوسه په هېواد کې له کرونا وبا یو زر او ۴۸۱ کسان مړه شوي او ۳۳ زره او ۴۴۷ نور بیا بېرته روغ شوي دي.
