رویداد خبري آژانس په افغانستان کې لومړنۍ دیجټلي خبري آژانس
په هېواد کې یو شمېر ډاکټرانو د خوارځواکۍ پراخېدو ته اندېښنه ښودلې او وایي چې اوس مهال په افغانستان کې ۳،۲ میلیونه ماشومان له شدیدې خوارځواکۍ کړېږي.
او همدا راز د ملګرو ملتونو د ماشومانو د ملاتړ اداره (یونیسف) افغان ماشومان د نړۍ تر ټولو زیانمن ماشومان بللي او زیاته کړې یې ده چې د امکاناتو د نشتون له امله له ۹زرو زیات ماشومان له شدیدې خوارځواکۍ سره مخ او ۵میلیونه نور ماشومان له لوږې کړېږي.
تر دې وړاندې هم یو شمېر نړیوالو بنسټونو په افغانستان کې د خوارځواکۍ د پراخېدو خبرداری ورکړی و.
په هېواد کې یو شمېر ډاکترانو د خوارځواکۍ پراخېدو ته اندېښنه ښودلې او وایي چې اوس مهال په افغانستان کې ۳،۲ میلیونه ماشومان له شدیدې خوارځواکۍ کړېږي.
د تغذیې متخصص همایون لودین، د خوارځواکي په اړه وایي چی په افغانستان کې ۴۱ سلنه ماشومان په موسمنه یا د قد ټیټوالي خوارځواکۍ اخته دي.
“خوارځواکي دوه عمده لاملونه لري. لومړی ناروغۍ لکه، اسهال او یا سینه بغل او دویم ناسم خوراکي مواد د دې لامل کېږي چې ماشومان په خوارځواکي اخته شي.”
لودین زیاته کری “موږ په دې برخه کې خپلو هڅو ته دوام ورکوو، له نېکه مرغه موږ خپل فعالیتونه د هېواد په مختلف ولایاتو او کلیو کې خپل وړیا خدمات د هغو میندو او ماشومانو لپاره چې په خوارځواکۍ اخته دي پیل کړي.”
همدا راز د تغذیې بل متخصص، عبدالولي سمندري وايي: “خوارځواکي هغه حالت دی چې د غذایي موادو د نشتون له امله رامنځته کېږي.خوارځواکي یوه نړیواله ناروغي ده چې په ټوله نړۍ کې شته په ځانګړې توګه په افغانستان او افریقایي هېوادونو کې د نړیوال سازمان د راپورونو له مخې په نړۍ کې ۱۵۰میلیون ماشومان په خوارځواکۍ اخته دي.”
بلخوا د خوړو نړیوال پروګرام ویلي چې پر خوارځواکۍ اخته کسانو کې ۳،۲ میلیونه ماشومان او ۸۰۰ زره امینداورې میندې شاملې دي.
په افغانستان کې د خوړو نړیوال پروګرام اړیکو مسوول، ضیا الدین صافي وایی: “اوس مهال په افغانستان کې ۳،۲ میلیون ماشومان چې عمر یې له شپږ تر ۵۹ میاشتو دی او ۸۰۰زره شېدې ورکوونکې او امېندوارې مېرمنې له خواځواکۍ کړېږي.”
د یادولو وړ ده چی د ملګرو ملتونو د ماشومانو د ملاتړ اداره (یونیسف) هم افغان ماشومان د نړۍ تر ټولو زیانمن ماشومان بللي او زیاته کړې یې ده چې د امکاناتو د نشتون له امله له ۹هزرو زیات ماشومان له شدیدې خوارځواکۍ سره مخ او ۵میلیونه نور ماشومان له لوږې کړېږي.
د راپورونه له مخی تر دې وړاندې هم یو شمېر نړیوالو بنسټونو په افغانستان کې د خوارځواکۍ د پراخېدو خبرداری ورکړی و.
