رویداد خبري آژانس په افغانستان کې لومړنۍ دیجټلي خبري آژانس
د امریکا متحده ایالاتو د بهرنیو چارو وزات وايی په افغانستان کې پر رسنیو او خبریالانو حملې د زغملو نه دي او باید د دغو بریدونو مخنیوی وشي.
د یاد هېواد د بهرنیو چارو وزارت ویاند نېډ پرایس دغه خبرې په واشنګټن کې په یوه کنفرانس کې وکړې.
نیډ پرایس دغه څرګندونې د خبریالانو د یوې پوښتنې په ځواب کې وکړې ، په ننګرهار کې د انعکاس تلویزیون د درې ښځینه کارکوونکو له وژلو وروسته نیډ پرایس په واشنګټن کې وویل پر خبریالانو برید نشو زغملای.
پرایس خبریالانو ته وویل، د دغو حملو عاملان په دا ډول بریدونو سره غواړي افغانستان کې د بیان ازادي چې په تېرو شلو کلونو کې یې په ډېرو برخو کې وده کړې، زیندۍ کړي.
په ننګرهار کې د انعکاس تلویزیون د درې ښځینه کارکوونکو د وژلو پړه داعش یا اسلامي دولت ډلې ومانه.
