رویداد خبري آژانس په افغانستان کې لومړنۍ دیجټلي خبري آژانس
نن د (مرغومې ۷)د ارګ څخه په خپره شوې خبر پاڼه کې راغلي چې د افغانستان ولسمشر اشرف غني او د ملي روغې جوړې شورا مشر ډاکټرعبدالله عبدالله نن په په ارګ کې د ملي روغې جوړې شورا د دویمې ناستې او د سولې په اړوند خبرې کړي دي.
دغه کتنه او خبرې له غرمې مخکې شوې.
په دې اعلامیه کې ویل شوي چې په دې کتنه کې ډاکتر عبدالله عبدالله ولسمشر غني ته د ملي روغې جوړې عالي شورا د رهبرۍ کمېټې د دویمې ناستې راپور ورکړ.
د افغان حکومت او طالبانو ترمنځ د مذاکراتو راتلونکي پړاو پر موقعیت او وخت، هغه څه و چې د ولسمشر او د ملي روغې جوړې شورا مشر ترمنځ بحث وشو.
د هېواد ولسمشر وویل چې د افغانستان حکومت به د افغانستان د سولې پروسې ملاتړي ګروپ سره یو ځای د سولې مذاکراتو راتلونکي پړاوونه پرمخ یوسي.
