رویداد خبري آژانس په افغانستان کې لومړنۍ دیجټلي خبري آژانس
د افغانستان د کرکټ پېژندل شوي لوبغاړي راشد خان ویلي،د شل اوریزه نړیوالو سیالیو کې د لوبډلمشرۍ وړاندیز یې نه دی منلی.
راشد خان له کرک انفو سره په تازه مرکه کې ویلي، دا غوره ګڼي چې د لوبډلمشر پر ځای د یوه لوبغاړي په توګه خپل کار ته دوام ورکړي.
راشد زیاته کړې، که اړتیا وه حاضر دی د مرستیال لوبډلمشر په توګه خپلې دندې ته دوام ورکړي.
د افغانستان کرکټ بورډ تېره دوشنبه وویل چې راشد خان به د ۲۰ اووره نړیوالو سیالیو د لوبډلمشر د مرستیال په توګه خپلې دندې ته دوام ورکوي.
کرکټ بورډ د اصغر افغان پر ځای د یو ورځنیو او ټسټ لوبو لپاره حشمتالله شهیدي د لوبډلمشر او رحمتشاه زرمتی د مرستیال په توګه اعلان کړل.
