رویداد خبري آژانس په افغانستان کې لومړنۍ دیجټلي خبري آژانس
دفاع وزارت وايي د کندز ولایت د دشت ارچي ولسوالۍ ډیری سیمې له طالبانو څخه پاکي کړي دي.
وسله والو طالبانو دوه شپې وړاندې د دشت ارچي ولسوالۍ پر مرکز بريدونه وکړل چې د سرچينو په خبره،د دې ولسوالۍ بازارته هم ننوتل.
خو د افغانستان د ملي دفاع وزارت نن سې شنبه، د نومبر۱۷ (لړم۲۷) په یوه خپره کړې خبرپاڼه لیکلي، چې دفاعي او امنیتي ځواکونو تیره شپه د یو لړ عملیاتو په ترڅ کې د دشت ارچي ولسوالۍ ډیری سیمې د طالبانو څخه پاکې کړې.
ياد وزارت ويلي چې طالبانو ته مرګ ژوبله هم اړولې ده٠
په خبرپاڼه کې ويل شوي:”اوس عملیات په جدي توګه دوام لري او امنیتي ځواکونه د پرمختګ په حال کې دي او ډیر ژر به پاتې سیمې هم د طالبانو له شتون څخه پاکې شي.”
وسله والو طالبانو تر اوسه په دې اړه څه نه دي ویلي.
