رویداد خبري آژانس په افغانستان کې لومړنۍ دیجټلي خبري آژانس
د ملي دفاع وزارت وایي کندهار ولایت کې ۱۵ وسله وال طالبان وژل شوي او نور ټپیان دي.
دافغانستان د ملي دفاع وزارت وایي چې وسله والو طالبانو د کندهار پنجوايي ولسوالۍ په یار وکلا سیمه کې د دفاعي او امنيتي ځواکونو په پوستو بریدونه کړي،چې د افغان ځواکونو په هوایي بریدونو په ترڅ کې په شاه وتمبول، چې په پایله کې ۱۵ تنه طالب وژل شوي، او څلور نور ټپیان شوي دي.
یاد وزارت وایي چې د وسله والو ۶ پټنځایونه هم له منځه یوړل شول.
بل لوري ته د هلمند ولايت په نهرالسراج او ناوې ولسواليو کې د ملي امنيتي او دفاعي ځواکونو په عملياتو کې ۷ وسله وال طالبان وژل شوي او ۷ تنه يې ټپيان شوي دي.
دفاع وزارت د یوه خپره کړې اعلامیه کې ویلي وسله والو طالبانو د ناوې او نهرالسراج په ولسواليو کې پر افغان ځواکونو په پوستو يې بريدونه وکړل، چې د افغان ځواکونو په ځوابه بریدونو کې ۷ طالبان وژل شوي او ۷ نور ټپیان شوي دي.
د یاد وزارت اعلامیه کې راغلي د ګډو ځواکونو په عملياتو کې د دښمن ۲ جسدونه، ۱ ميل کلاشينکوف، ۳ شاژور او ۲ موټرسايکل ترلاسه شوې دي.
