رویداد خبري آژانس په افغانستان کې لومړنۍ دیجټلي خبري آژانس
د ازبکستان ولسمشر پرون سې شنبې په ورځ (د سلواغې ۲۱مه) د خپل هېواد د پارلمان هغه لایحه تصویب کړه چې له مخې یې د ولسمشرۍ ټاکنې په دغهَ هېواد کې په اکتوبر کې ترسره کېږي.
د دې تصویب شوې لایحې له مخې د ولسمشرۍ او پارلمان عمومي ټاکنې د اکتوبر د وروستیو لسو ورځو لومړۍ یکشنبې ترسره کېږي. سږ کال دا یکشنبې د اکتوبر له ۲۴مې سره برابره ده.
پخوا په ازبکستان کې هر پنځه کاله وروسته د ولسمشرۍ انتخابات د ډسمبر د وروستیو لس ورځو په لومړۍ یکشنبې ترسره کېدل.
یو شمېر انتقاد کوونکي وایي، د ټاکنو د دې نوې نېټې د وړاندیزعلت دا دی چې په ډسمبر کې د ازبکستان پر حکومت د دې لپاره تل انتقاد کېږي چې د ژمي په ترڅ کې د خلکو د تودېدو لپاره د انرژي سم غم نه خوري.
د پارلمان غړیو تېره میاشت د دې ټاکنو لپاره د نوې نېټې وړاندیز وکړ.
تمه ده چې اوسنی ولسمشر شوکت میرضیاییف به دې ټاکنو ته ځان نوماند کړي.
