رویداد خبري آژانس په افغانستان کې لومړنۍ دیجټلي خبري آژانس
له رسنیو د ملاتړ ادارې (نی) د سولې پروسه کې د بیان ازادۍ په اړه اندېښنه ښودلې ده.
د یادې ادارې مشر مجیب خلوتګر نن په کابل کې یوې ناستې ته ویلي، که څه هم افغان حکومت د سولې خبرو کې د بیان ازادي خپله سره کرښه بللې ده خو دوی اندېښمن دي چې پر دې ارزښت معامله ونه شي.
نوموړي زیاته کړې، افغان حکومت هیڅکله په بنسټیز او باوري ډول سره کرښه نه ده درلودلې. نوموړي له ښکېلو لوریو غوښتنه کړې، د بیان ازادي چې د افغانستان د تېرو نولس کلونو لاسته راوړنو یوه ستره برخه جوړوي باید خوندي وساتل شي.
