رویداد خبري آژانس په افغانستان کې لومړنۍ دیجټلي خبري آژانس
د ترکمنستان د اوسپنۍ پټلۍ ادارې خبر ورکړی چې په نږدې راتلونکي به په افغانستان کې د اقينې او اندخوی ترمنځ د اوسپنې پټلۍ نيمګړي پاتې کارونو د بشپړولو چارې پيل کړي.
د ترکمنستان دې ادارې پرون دوشنبه د (غبرګولي په ۲۳مه) اعلان کړی چې د نوموړي هېواد انجنيران په افغانستان کې د اورګاډي د اوسپنې پټلۍ دې پروژې د بشپړولو کارونو پيلولو ته چمتوو دي.
دې ادارې زياته کړې چې دا ګام د ترکمنستان د اورګاډي شرکت او د دې هېواد د اوسپنې پټلۍ د ادارې ترمنځ د يوې هوکړې له لاسليک کېدو وروسته پورته کېږي.
په همدې حال کې د ترکمنستان د اوسپنې پټلۍ ادارې خبر ورکړی، چې دامهال ترکمن انجينران اقينې ته رسېدلي او د ځانګړو تخنيکي وسايل پر مټ به د دې پروژې د بشپړاوي عملي کارونه ژر پيل کړي.
د اقينې او اندخوی ترمنځ د اورګاډي اوسپنۍ پټلۍ د غځولو کارونه ۸۰سنله بشپړ شوي؛ خو په ۲۰۲۰زېږديز کال کې د کرونا او نورو تخنيکي ستونزو له امله يې کارونه وځنډېدل.
دغه پټلۍ ۳۰ کيلومتره اوږدوالی لري او ۲۹ کيلومتره کارونه يې بشپړ شوي دي.
