رویداد خبري آژانس په افغانستان کې لومړنۍ دیجټلي خبري آژانس
د افغانستان عامې روغتیا وزارت وایي چې په تېرو ۲۴ ساعتونو کې د هېواد په بېلابېلو ولایتونو کې د کرونا وبا ۱۲۱ نورې مثبتې پېښې ثبت شوې دي، له دې سره پر یادې ناروغۍ د اخته کسانو ټول شمېر ۴۱ زره او ۹۳۵ ته رسېدلی دی.
د روغتیا وزارت په وینا، په همدې موده کې پر کرونا اخته شپږ کسان مړه شوي او ۳۶ نور بیا بېرته روغ شوي دي.
د یاد وزارت د وروستیو معلوماتو له مخې، تر اوسه په هېواد کې له کرونا وبا د مړه شویو کسانو ټول شمېر یو زر او ۵۵۴ او د بېرته رغېدلیو هغه بیا ۳۴ زره او ۴۴۰ ته لوړ شوی دی.
د یادونې ده چې د هوا له سړېدو سره پر کرونا د اخته کېدونکو کسانو شمېر یو ځل بیا مخ په لوړېدو دی.
