رویداد خبري آژانس په افغانستان کې لومړنۍ دیجټلي خبري آژانس
د افغانستان دکرنې اوبولګولو او مالدارۍ وزارت وایي چې په تېر کال ۲۹۹ مټریکه ټنه ځمکني توت تولید شوي دي.
د دغه وزارت له لوري په یوه خپره شوې خبرپاڼه کې ویلي چې اوس مهال څه باندې ۳۲۰ جریبه ځمکه کې دغه توت کرل شوي دي.
د کرنې وزارت وايي چې په هرات، کندز، بلخ، فاریاب، میدان وردک، دایکنډي، کابل، پروان، ننګرهار او یو شمېر نورو ولایتونو کې دا میوه تر ټولو ډېره کرل شوې ده. د دغه توت کرکیلې ته علاقمندي د دې میوې موجود بازار ته په کتو د پراخېدو په حال کې ده.
د کرنې وزارت وایي، د افغانستان اقلیم د دې میوې کرکیلې ته مساعد دی او له څو کلونو راهیسې خلکو ورته مخه کړې ده.
د دغه وزارت په وینا هر کیلو توت په بازار کې په شااوخوا دوه سوه افغانیو پلورل کېږي.
