رویداد خبري آژانس په افغانستان کې لومړنۍ دیجټلي خبري آژانس
په خوست ښار کې دوه کسان د ناپېژندو وسله والو په ډزو وژل شوي دي.
دغه دوه ځوانان نن سهار په خوست ښار کې ووژل شول.
د خوست د ولایتي شورا غړي قمر علي لکڼوال پر خپله فېسبوک پاڼه کې په ښار کې د ترور د وروستیو پېښو په اړه اندېښنه څرګنده کړې ده.
دغه وژل شوي کسان څوک دي او چا دغه برید کړی، د خوست سیمهییزو چارواکو څه نهدي ویلي او نه هم کوم چا د دې برید مسؤلیت منلی.
په يو بل خبر کې شپږ کسان د غیر قانوني وسلو ګرځولو په تور نیول شوي دي.
د خوست د پولیسو ویاند عادل حیدر یوې رسنیو ته وویل چې یاد شپږ کسان د ښار په بېلابېلو برخو کې د ناقانونه وسلو ګرځولو په تور نیول شوي دي.
نوموړی وایي، په تېرو دوو اوونیو کې ۱۷ کړۍ بېلابیل ډوله ماینونه هم کشف او لهمنځه وړل شوي دي.
