Home » سیمه او نړی » لوېډ اسټن د امریکا د دفاع وزیر شو
رویداد خبري آژانس

لوېډ اسټن د امریکا د دفاع وزیر شو

متقاعد جنرال لوېډ اسټن پرون جمعه (د سلواغې ۳مه) د امریکا په سنا جرګه کې په ۹۲ موافقو رایو د ملي دفاع وزارت لپاره تایید شو.

یوازې دوو سناتورانو د لويډ اسټن مخالفت کړی.

لویډ اسټن چې له څلورو لسیزو زیاته کاري تجربه لري لومړنی تورپوستی امریکایي به وي چې دفاع وزارت پنټاګون مخته وړي.

ښاغلي اسټن د سنا جرګې تر تاییدي وروسته په خپل ټوېټرولیکل: “دا زما لپاره د ویاړ ځای دی چې د اته ویشتم دفاع وزیر په توګه خپل هېواد ته خدمت وکړم، زه په دې خاص ویاړم چې لومړنی افریقایي – امریکایی یم چې په دې څوکۍ کار کوم.”

لویډ اسټن د ولسمشر جوبایډن له خوا په دفاع وزارت کې د ثبات راوستلو په هدف نوماند وزیر شوی و.

سنا جرګې همدا راز په پروني مجلس کې د خزانې وزارت نومانده جنت یالین هم تایید کړه.

دا به لومړنۍ ښځه وي چې د امریکا د خزانې وزارت مخته وړي.

په راتلونکو ورځو کې به د امریکا د بهرنیو چارو وزارت نوماند انتوني بلېنکین هم سنا جرګې ته د باور رایې د اخېستلو لپاره معرفي شي.

شریکول:

About رویداد خبری آژانس

Leave a Reply

Your email address will not be published. Required fields are marked *

*

x

Check Also

په هند کې څه باندې ۳۰ هوايي ډګرونو خپل فعالیتونه ځنډولي

د هند او پاکستان ترمنځ ...