رویداد خبري آژانس په افغانستان کې لومړنۍ دیجټلي خبري آژانس
دافغانستان د کورنیو چارو وزارت وایي، د کابل ښار په کمپنۍ سیمه کې د طالبانو هغه ویډیو جعلي ده چې له خلکو یې د چارواکو د رضایت په تړاو پوښتنې کولې.
د کابل د امنیه قومندانۍ ویاند فردوس فرامرز له رسنیو سره په خبرو کې ویلي، د کابل ټولې ولسوالۍ د افغان حکومت تر ولکې لاندې دي او د کابل ښار په کمپنۍ سیمه کې د طالبانو شتون حقیقت نه لري، او په خبره یې د هغوی له لوري خپره شوې ویډیو جعلي او د طالبانو د تبلیغاتي جکړې یوه برخه ده.
دا په داسې حال کې ده چې څو ورځې وړاندې په خواله رسنیو یوه ویډیو خپره شوې وه چې څو وسلهوالو کې ښکارېدل او د طالبانو بیرغ هم ورسره و، له خلکو یې د افغان حکومت له چارواکو د رضایت په تړاو پوښتنې کولې.
تر دې وړاندې د وسلهوالو طالبانو ویاند ذبیحالله مجاهد هم ویلي و، چې په ویډیو کې لیدل شوي کسان طالبان دي او هغوی په کابل کې له غلاوو د مخې نیولو په موخه را وتلي وو.
