رویداد خبري آژانس په افغانستان کې لومړنۍ دیجټلي خبري آژانس
د افغانستان کرکټ ملي لوبډلې د اتلانو جام وړاندې خپله دویمه تمریناتي لوبه له نیوزلنډ ملي لوبډلې سره په کراچۍ لوبغالي کې ترسره کړه چې ملي لوبډلې پکې ماته وخوړه.
لومړۍ توپوهنه د افغان ملي لوبډلې ترسره کړه چې د اتو لوبغاړو په زیان سره یې ۳۰۵منډې جوړې کړې.
د افغانستان لپاره رحمان الله ګربز ۱۱۰، صدیق اتل ۵۲، حشمت الله شهیدي۴۰ او ابراهیم ځدران ۳۲ منډې جوړې کړې.
په ځواب کې د نیوزلنډ لوبډلې توپوهنه پیل کړه چې د اتو لوبغاړو په سوځېدو سره یې یاد هدف پوره کړ او لوبه یې د دوو ویکټو په لرلو سره وګټله.
له دې سره د افغانستان کرکټ ملي لوبډلې تمریناتي سیالۍ پای ته ورسېدې او ټاکل شوې چې راتلونکې جمعه به خپله لومړۍ رسمي لوبه له جنوبي افریقا سره ترسره کړي.
د یادونې وړ ده چې د اتلانو جام سیالۍ به چهارشنبې د فبرورۍ ۱۹مه په پاکستان کې پیل شي.
