رویداد خبري آژانس په افغانستان کې لومړنۍ دیجټلي خبري آژانس
پاکستان وايي افغانانو ته د وېزې په ورکړه کې اسانتیا راولي او د ویزو د ورکړې لپاره یې نوي پلانونه جوړ کړي دي.
په کابل کې د پاکستان سفارت په یوه خپره کړې خبرپاڼه کې ویلي چې په هرات، مزار شریف، ننګرهار او کابل کې یې افغانانو ته د وېزې ورکړه پيل کړې ده چې له مهالوېش سره سم مراجعین ورځي او وېزې به اخلي.
ددوی په وینا د مراجعینو شکایتونو ته په پام د وېزو په ویشلو کې اسانتیا راولي او هڅه کوي د خلکو ستونزې حل کړي.
پاکستانی سفارت داسې مهال دغه خبره کوي چې ددغه سفارت مخې ته هره ورځ سلګونه افغانان د وېزې اخیستو لپاره ولاړ وي، خو وایي د فساد له امله یې کارونه ځنډېدلي وي او ستونزې ورته پیدا کېږي.
