رویداد خبري آژانس په افغانستان کې لومړنۍ دیجټلي خبري آژانس
د روسیې پولیسو نږدې دوه سوه کسان چې اکثره یې سیاسي څېرې دي، نیولي دي.
دا اقدام هغه مهال ترسره شو چې پولیسو پرون د مارچ په ۱۳مه په اسماعیلوو هوټل چاپه ووهله.
دغه هوټل کې ځینو سیاسي څېرو د روسیې د سېپټمبر میاشتې محلي او پارلماني ټاکنو په اړه د بحث لپاره غونډه وربللې وه.
په خپرو شویو ویډیوګانو کې لیدل کیږي چې پولیس د هوټل ودانۍ ته له ننوتلو وروسته نیول شوي کسان موټرو کې لېږدوي.
د روسیې د کورنیو چارو وزارت منلې چې شااوخوا دوه سوه کسان نیول شوي دي.
د امریکا د بهرنیو چارو وزیر انتوني بلېنکن د دغه اقدام په غبرګون کې پر خپله ټویټرپاڼه لیکلي، هېواد یې په روسیه کې خپلواکو غږونو ته د سزا ورکولو د پای غوښتنه کوي.
