رویداد خبري آژانس په افغانستان کې لومړنۍ دیجټلي خبري آژانس
دافغانستان د بشري حقونو خپلواک کمیسیون د یوې اعلامیې په خپرولو سره په قطر کې د سولې بین الافغاني مذاکراتو پر مهال هدفي وژنې د سولې خبرو د روحیې خلاف بللې دي.
اعلامیه کې راغلي، د دوی د موندنو له مخې، د روان کال په لومړیو شپږو میاشتو کې ۹۴۵ ملکي وګړي د هدفي وژنو قرباني شوي دي.
د یادې ادارې په خبره، له همدې ډلې ۵۳۳ هغه یې وژل شوي او ۴۱۲ نور ټپیان شوي دي.
دغه کمیسیون د جګړې له ښکېلو اړخونو غوښتنه کړې ده چې د بشري حقونو نړیوالو قوانینو ته په پام دې د تاوتریخوالي کمښت په اړه د افغانانو غوښتنې ته مثبت ځواب ووایي.
د بشري حقونو کمیسیون دغه راز له افغان حکومت څخه غوښتنه کړې ده چې د ملکي افغانانو د ژوند خوندیتابه ته دې جدي پاملرنه وکړي.
